இஸ்ரோவின் ஜிசாட்30 செயற்கைக்கோள், ஜனவரி 17ல் விண்ணில் செலுத்தப்படுகிறது
நடப்பு ஆண்டில் இஸ்ரோ தனது முதல் செயற்கைகோளை வருகிற 17ஆம் தேதி விண்ணில் ஏவுகிறது.
இதுகுறித்து இஸ்ரோ விடுத்துள்ள செய்தி குறிப்பில், ஒளிபரப்பு மற்றும் தொலைத்தொடர்பு சேவைகளுக்கு பயன்படும் வகையில், இன்சாட்4ஏ செயற்கைக்கோளுக்கு பதிலாக ஜிசாட்-30 செயற்கைக்கோள் விண்ணில் ஏவப்படுவதாக கூறப்பட்டுள்ளது.
3,357 கிலோ எடை கொண்ட ஜிசாட்30 செயற்கைக்கோள், தென்அமெரிக்காவில் உள்ள பிரெஞ்சு கயானாவில் இருந்து ஏரியான்-5 ராக்கெட் மூலம், வரும் 17ஆம் தேதி அதிகாலை 2.35 மணிக்கு ஏவப்பட உள்ளதாக குறிப்பிடப்பட்டுள்ளது.ஜிசாட்30 செயற்கைக்கோள் இந்திய நிலப்பரப்பு மற்றும் தீவுகளின் பாதுகாப்பிற்கு பயன்படும் என்று தெரிவிக்கப்பட்டுள்ளது.
RELATED POSTS
Comments