கொச்சி மராடு பகுதியில் விதிமுறைகளை மீறி கட்டப்பட்ட அடுக்கு மாடி தகர்ப்பு - வீடியோ

கேரளாவில் விதிமுறைகளை மீறி கட்டப்பட்ட மேலும் ஒரு அடுக்குமாடிக் கட்டிடம் இடிக்கப்பட்டது. 

கொச்சி நகரின் மராடு என்ற இடத்தில் கடலும், ஆறும் சேரும் காயல் பகுதியில் 4 அடுக்குமாடி குடியிருப்புகள் கட்டப்பட்டன. இவை கடற்கரை ஒழுங்குமுறை விதிகளை மீறி கட்டப்பட்டதாக தொடரப்பட்ட வழக்கில் கட்டிடங்களை இடிக்க உச்சநீதிமன்றம் உத்தரவிட்டது.

அவற்றில் ஹோலிபெய்த், ஆல்பா ஷெரீன் என்ற 2 அடுக்குமாடிக் குடியிருப்புக் கட்டிடங்கள் நேற்று பாதுகாப்பான முறையில் வெடிவைத்து தகர்ப்பட்டன. இந்நிலையில் இன்று ஜெயின் கோரல் கோவ் என்ற அடுக்குமாடிக் கட்டிடம் வெடிவைத்து தகர்க்கப்பட்டது.கோல்டன் காயலோரம் என்ற அடுக்குமாடிக் கட்டிடமும் இன்று இடிக்கப்பட உள்ளது.