பொங்கல் விழா: மாணவ, மாணவிகளை வியப்பில் ஆழ்த்திய செயற்கை கிராம மாதிரிகள்

சென்னை பூந்தமல்லி அருகே சவீதா பல்கலைக்கழகத்தில் நடைபெற்ற சமத்துவப் பொங்கல் விழாவை முன்னிட்டு செயற்கையாக அமைக்கப்பட்டிருந்த ஓலைக் குடிசைகள், திண்ணை வீடு, கிணறு உள்ளிட்டவை வியப்பில் ஆழ்த்தின.

சவீதா மருத்துவக் கல்லூரி, சட்டக் கல்லூரி,பொறியியல் கல்லூரி ,கலை மற்றும் அறிவியல் கல்லூரி மற்றும் பள்ளி மாணவர்கள் என ஆயிரக்கணக்கானோர் இதில் பங்கேற்றனர்.

குயவர்கள் பானை செய்வது, பம்பு செட், காவல் நிலையம், மாட்டு வண்டி என ஒரு குட்டி கிராமமே உருவாக்கப்பட்டிருந்தது. அவற்றின் முன்பு கல்லூரி மாணவ, மாணவிகள் செல்ஃபி எடுத்து மகிழ்ந்தனர். தொடர்ந்து அங்கு மயிலாட்டம்,ஒயிலாட்டம், கரகாட்டம், தப்பாட்டம், காவடியாட்டம் உள்ளிட்டவையும் அரங்கேறின.