கூட்டுறவு சங்க தேர்தல் அறிவிப்பு..!

1028 கூட்டுறவு சங்கங்களில் நிர்வாக குழு உறுப்பினர்களுக்கான தேர்தல் அறிவிக்கப்பட்டுள்ளது.

இது தொடர்பாக தமிழ்நாடு மாநில கூட்டுறவு சங்கங்களின் தேர்தல் ஆணையர் வெளியிட்ட அறிவிப்பில் , 505 தொடக்க பாலுற்பத்தி சங்கங்கள் உள்பட 1028 சங்கங்களில் தேர்தல் நடைபெற இருப்பதாக தெரிவிக்கப்பட்டுள்ளது.

11 ஆயிரத்து 368 நிர்வாக குழு உறுப்பினர் இடங்களில் 3102 இடங்கள் பெண்களுக்கும், 2068 இடங்கள் ஆதி திராவிடர் மற்றும் பழங்குடியினருக்கும் ஒதுக்கப்பட்டுள்ளதாக குறிப்பிடப்பட்டுள்ளது.  வரும் 27 ஆம் தேதி வேட்பு மனு தாக்கல் தொடங்குகிறது.

போட்டியிருப்பின் பிப்ரவரி 3 ஆம் தேதி வாக்குப்பதிவும், பிப்ரவரி 4 ஆம் தேதி வாக்கு எண்ணிக்கையும் நடைபெறும் என அறிவிக்கப்பட்டுள்ளது. தலைவர், துணை தலைவர் இடங்களுக்கான தேர்தல் பிப்ரவரி 8 ஆம் தேதி நடைபெறும் என தெரிவிக்கப்பட்டுள்ளது.