சட்டப்பேரவையில், துணை நிதிநிலை அறிக்கைத் தாக்கல்

சட்டப்பேரவையில், துணை முதலமைச்சர் ஓ.பன்னீர்செல்வம், துணை நிதிநிலை அறிக்கையைத் தாக்கல் செய்தார். அதில், பொங்கல் பரிசுத் தொகுப்பில் ஆயிரம் ரூபாய் வழங்கியது உள்ளிட்ட புதிய திட்டங்களுக்கான நிதியான, 6,580 கோடி ரூபாய்க்கு, சட்டப் பேரவை ஒப்புதல் அளித்தது.

சென்னை-கன்னியாகுமரி தொழில் வழித் தடத் திட்டத்தின் கீழ், இரண்டு மின் தொடரமைப்புத் திட்டங்களை நிறுவுவதற்கு அரசு ரூ.4332.57 கோடிக்கு நிர்வாக அனுமதி அளிக்கப்பட்டுள்ளதாக கூறப்பட்டுள்ளது. 9 மாவட்டங்களில் புதிய அரசு மருத்துவக் கல்லூரிகள் மற்றும் மருத்துவமனைகளுக்காக ரூ.3,266.47 கோடிக்கு நிர்வாக அனுமதி அளிக்கப்பட்டுள்ளதாகவும் தெரிவிக்கப்பட்டுள்ளது.

நிகழாண்டில் 2 ஆயிரம் புதிய பேருந்துகள் வாங்க மாநிலப் போக்குவரத்துக் கழகங்களுக்கு வழிவகை முன்பணமாக 206 புள்ளி 53 கோடி ரூபாயை அரசு அனுமதித்துள்ளதாக, துணை முதலமைச்சர் ஓ.பன்னீர்செல்வம் தெரிவித்தார்.