தப்பிக்குமா தர்பார்..? ரஜினி சொன்னது என்ன..?

Jan 08, 2020 08:36:58 PM 0 1396

நடிகர் ரஜினிகாந்தின் நடிப்பில் வெளியாக உள்ள தர்பார் படத்தின் சிறப்பு காட்சிக்கு அனுமதி அளித்து தமிழக அரசு ஆணையிட்டுள்ள நிலையில், தர்பார் படம் குறித்த வினியோகஸ்தர்களின் கருத்துக்களை ரஜினி கேட்டு தெரிந்து கொண்ட வீடியோ ஒன்று வெளியாகி உள்ளது.

வயது 70.... என்று நம்ப முடியாத அளவிற்கு ரஜினியின் மின்னல்வேக நடிப்பில் தர்பார் திரைக்கு வருகிறது. அமெரிக்கா உள்ளிட்ட வெளி நாடுகளில் புதன்கிழமை இரவும், இந்தியாவில் வியாழக்கிழமையும் தர்பார் வெளியாகிறது.

தர்பார் படத்தில் சில ஏரியாக்கள் விலை போகவில்லை என்றும் படம் நஷ்டத்திற்கு விற்கப்பட்டு உள்ளதாகவும் சிலர் தகவல் பரப்பிய நிலையில், அனைத்து ஏரியாக்களின் வியாபாரத்தையும் வெற்றிகரமாக முடித்துள்ளதாக, லைக்கா நிறுவன ஊழியரிடம் வினியோகஸ்தர்களின் கருத்தை ரஜினி கேட்டறிந்ததாக வீடியோ ஒன்று வெளியிடப்பட்டுள்ளது.

கடைசி 40 நிமிடம் தர்பார் படம் சூப்பராக இருப்பதாக தகவல் வெளியானதால் ரஜினி மிகுந்த உற்சாகத்துடன் பேசினார். அத்தோடு தமிழக அரசும் ரஜினியின் தர்பார் படத்துக்கு 4 நாட்களுக்கு சிறப்பு காட்சி திரையிட அனுமதி வழங்கி ஆணையிட்டுள்ளதால் ரஜினி தனது ரசிகர்களுக்கு பொங்கல் விருந்து படைத்திருப்பதாக ரஜினி ரசிகர்கள் கொண்டாட தயாராகி வருகின்றனர்.