சென்னையில் பனி மூட்டத்தால் இரண்டாவது நாளாக விமான சேவை பாதிப்பு
சென்னையில் பனி மூட்டம் காரணமாக 2-வது நாளாக விமான சேவை பாதிப்பு ஏற்பட்டது.
சென்னையில் நேற்று அதிகாலை கடும் பனி மூட்டம் நிலவியது. இதனால் 10 விமானங்கள் வேறு ஊர்களுக்கு திருப்பி விடப்பட்டன. இந்நிலையில் சென்னையில் பனி மூட்டம் காரணமாக 2-வது நாளாக விமான சேவை பாதிக்கப்பட்டது. விமான ஓடு பாதையில் பனி மூட்டம் இருந்ததால் விமானங்கள் புறப்படுவதிலும், தரை இறங்குவதிலும் பாதிப்பு ஏற்பட்டது. 5 விமானங்கள், ஐதராபாத், பெங்களூர் விமான நிலையங்களுக்கு திருப்பி விடப்பட்டன.
சென்னையில் இருந்து டெல்லி, மும்பை, கொழும்பு உள்பட பல்வேறு இடங்களுக்கு செல்லும் 10-க்கும் மேற்பட்ட விமானங்கள் பனி மூட்டம் காரணமாக தாமதமாக புறப்பட்டு சென்றன. காலை 9 மணிக்கு பிறகு விமான சேவை வழக்கம் போல் நடைபெற்றது.
Comments