சென்னையில் கடும் பனிமூட்டம்
சென்னையில் 2ஆவது நாளாக இன்று நிலவிய கடும் பனிமூட்டத்தால் 5 விமானங்கள் திருப்பி விடப்பட்டன.
நேற்று காலை நிலவிய பனிமூட்டத்தால், சென்னை வந்த 10 விமானங்கள் பெங்களூருக்கும், கோவைக்கும் திருப்பி விடப்பட்டன. இந்நிலையில், அடையாறு, கோட்டூர்புரம் உள்ளிட்ட இடங்களில் எதிரே வரும் வாகனங்கள் தெரியாத அளவுக்கு இன்று காலையிலும் பனிமூட்டம் நிலவியது. இதனால் வாகன ஓட்டிகள் விளக்குகளை ஒளிரவிட்டபடி சென்றனர்.
விமான நிலைய பகுதியில் நிலவிய பனிமூட்டத்தால், மஸ்கட்,லண்டன், அமெரிக்கா ஆஸ்திரேலியா மற்றும் டெல்லியில் இருந்து வந்த 5 விமானங்கள் பெங்களூரு, ஐதராபாத் மற்றும் திருவனந்தபுரம் விமான நிலையங்களுக்கு திருப்பி விடப்பட்டன. பனிமூட்டத்துக்கு முரணான வெப்பநிலையே காரணம் என்றும், 15ம் தேதி வரை பனிமூட்டம் காணப்படும் என்றும் வானிலை ஆய்வு மையம் தெரிவித்துள்ளது.
RELATED POSTS
Comments