ஆஸ்திரேலியாவில் பிரதமர் ஸ்காட் மாரிசனை முட்டாள் என வசைபாடிய சம்பவத்தால் பரபரப்பு

ஆஸ்திரேலியாவில் புதர்த்தீயால் பாதிக்கப்பட்ட ஒருவர் அந்நாட்டுப் பிரதமர் ஸ்காட் மாரிசனை முட்டாள் என வசைபாடிய சம்பவம் பரபரப்பை ஏற்படுத்தியுள்ளது. கொபார்கோ (Cobargo) நகரில் பாதிக்கப்பட்ட பகுதிகளை பிரதமர் ஸ்காட் மாரிசன் பார்வையிடச் சென்றார்.

அப்போது மக்கள் காட்டுத் தீயால் அவதியுற்று வரும் நிலையில் புத்தாண்டை முன்னிட்டு பிரதமர் ஸ்காட் மாரிசன் சிட்னி துறைமுகத்தில் வாண வேடிக்கைகளை தனது சொகுசு இல்லத்தில் இருந்து பார்வையிட்டதாக குற்றம்சாட்டிய ஒருவர், அடுத்த முறை இங்கிருந்து நீங்கள் ஒரு ஓட்டைக் கூட பெற முடியாது நண்பரே ஏனென்றால் நீங்கள் ஒரு முட்டாள் என்று கூறினார்.

பிரதமர் ஸ்காட் மாரிசனுக்கு தீயணைப்பு வீரர் ஒருவர் பரஸ்பரம் கைகுலுக்க மறுத்துவிட்டார்.