உத்தர பிரதேச மாநிலம் நொய்டா பகுதியை சேர்ந்த இளம்பெண் ஒருவர் ஸ்விக்கி ஆப் மூலம் லக்னோ கபாப் பராத்தா என்ற ஹோட்டலில் உணவு ஆர்டர் செய்துள்ளார்.

டெலிவரி செய்யும் நபர் மூலம் உணவை அந்த பெண் பெற்றுக்கொண்டுள்ளார்.

அப்போது உணவு பொட்டலத்தை பிரித்து கொஞ்சம் சாப்பிட ஆரம்பித்துள்ளார். அப்போது உள்ளே சிக்கன் பீஸ் இருந்ததை பார்த்து அதிர்ச்சியடைந்துள்ளார்.

இது குறித்து வீடியோ வெளியிட்ட அந்த அந்தபெண், தான்வெஜ் பிரியாணியை ஆர்டர் செய்தேன் அதற்கு சிக்கன் பிரியாணியை கொடுத்துவிட்டார்கள், என்றும் தான் ஒரு முழுமையான சைவப்பெண் என்றும் குறிப்பிட்டுள்ளார்.

மேலும் நவராத்திரி அன்று தனக்கு சிக்கன் பிரியாணியை அனுப்பி சாப்பிட வைத்துவிட்டார்களே.. என கண்ணீர் விட்டு கதறி அழுதுள்ளார்.

இதுகுறித்து ஹோட்டலுக்கு தொடர்பு கொண்ட முயற்சித்தபோது போன் அழைப்பை ஏற்கவில்லை எனவும், கடையை பூட்டி விட்டு சென்றதாகவும் அந்த பெண் குறிப்பிட்டுள்ளார்.

இளம்பெண் கண்ணீரோடு பேசிய வீடியோ இணையத்தில் வைரலாக பரவிய நிலையில் ஹோட்டல் உரிமையாளர் ராகுல் ராஜவன்ஷியை போலீசார் கைது செய்துள்ளனர்.

ஆர்டர் மாறியதால் ஹோட்டல் உரிமையாளர் கைதான சம்பவம் இணையத்தில் வைரலாக பரவி வருகிறது.