ஸ்ரீலீலா... கன்னடம், தெலுங்கு படங்களில் நடித்திருந்தாலும் ‘குண்டூர் காரம்’ தெலுங்கு படத்தில் ‘குர்ச்சி மடத்தபெட்டி...’ பாடலுக்கு இவர் போட்ட ஆட்டம்தான், தென்னிந்திய ரசிகர்களையே ஆட்டம் போட வைத்தது. புஷ்பா-2 படத்திலும் ‘கிஸ்.. கிஸ்.. கிஸிக்’ பாடல் மூலமும் சப்புனு அறைந்து, ரசிகர்களை கிறங்கடித்தவர்.

சிவகார்த்திகேயனின் ‘பராசக்தி’ படம் மூலம் தமிழ் திரையுலகிலும் எண்ட்ரி ஆகியுள்ளார். நடிப்பைத் தாண்டி வெறித்தனமான நடனத்தால் லட்சக்கணக்கான ரசிகர்களை ஈர்த்தவர்.

தற்போது, பாலிவுட்டிலும் நடித்து வருகிறார். இந்தநிலையில், ஸ்ரீலீலா அங்கு ஒரு நடிகரை காதலிப்பதாகவும் சினிமா வட்டாரத்தில் கிஸ்.. கிஸ்.. கிஸிக்கப்பட்டு வருகிறது.

அதாவது, அப்படத்தின் ஹீரோ கார்த்திக் ஆர்யன் உடன் தான் கிசு கிஸுக்கப்பட்டு வருகிறது. சினிமா பிரபலங்கள் என்றாலே இதுபோன்ற கிசுசிசுப்புகள், வதந்திகள் பரவுவது வழக்கம்தான். ஆனால், கார்த்திக் ஆர்யனின் தாய் பேசியதுதான், அவர்களின் நட்பை இன்னும் உறுதிசெய்திருப்பதாக கூறப்படுகிறது.

அதாவது, சமீபத்தில் கார்த்திக் ஆர்யனின் வீட்டில் நடந்த ஒரு குடும்ப விழாவில் ஸ்ரீலீலா கலந்துகொண்டுள்ளார். அப்போது, மிக நெருக்கமானவர்கள் மட்டுமே அழைக்கப்பட்டார்களாம். அந்த விழாவில் ஸ்ரீலீலாவும் அழைக்கப்பட்டதாகக் கூறப்படுகிறது.

அப்போது, கார்த்திக் ஆர்யனின் தாய் கூறும்போது, “எங்கள் குடும்பத்தின் தேவை என்னவென்றால், அவர் நல்ல டாக்டராக இருக்கவேண்டும்” என கூறினாராம். இதன்மூலம், கார்த்திக் ஆர்யன் - ஸ்ரீலீலா உறவை உறுதிசெய்துள்ளார், என கூறப்படுகிறது. காரணம், நடிகை ஸ்ரீலீலா எம்.பி.பி.எஸ். படித்தவர். கார்த்திக் ஆர்யனைவிட ஸ்ரீலீலா 11 வயது இளையவர் என்றும் கூறப்படுகிறது.

இந்தநிலையில்தான், அனுராக் பாசு இயக்கும் பாலிவுட் பட ஷூட்டிங் டார்ஜிலிங்கில் நடந்துவருகிறது. இந்நிலையில், ஸ்ரீலீலாவும் கார்த்திக் ஆர்யனும் படக்குழுவினருடன் கூட்டத்தில் வந்துகொண்டிருந்தபோது, ஒருநபர் செய்த செயல் பெரும் அதிர்ச்சியை ஏற்படுத்தியுள்ளது.

கார்த்திக் ஆர்யன் முன்னால் நடந்துவர, பின்னால் நடந்து வந்த ஸ்ரீலீலாவிற்கு கைக்குலுக்க வந்துள்ளார், ஒரு நபர். ஆனால், ஸ்ரீலீலா சற்றும் எதிர்பாராத நேரத்தில் அந்த நபர் நடிகை ஸ்ரீ லீலாவை கூட்டத்திற்குள் பிடித்து இழுத்துள்ளார். இதனால், அதிர்ச்சி அடைந்தார், ஸ்ரீலீலா. அதற்குள், பாதுகாவலர்கள் அந்த நபரை தடுத்தனர். ஸ்ரீலீலாவும் பதட்டத்தை வெளிக்காட்டிக்கொள்ளாமல் சிரித்தபடி சென்றுள்ளார். இதனால், ரசிகர் என்ற போர்வையில் எல்லை மீறிய அந்த நபரை கடுமையாக விமர்சித்து வருகிறார்கள், ஸ்ரீலீலாவின் ரசிகர்களும் இணையதளவாசிகளும். இது தொடர்பான வீடியோ வெளியாகி சமூக வலைதளத்தில் வைரலாகி வருகிறது.