முதுகெலும்புத் தசைநார் வலுவிழப்பு நோய்யால் அவதிப்படும் குழந்தைக்கு, 16 கோடி ரூபாய் மதிப்புடைய ஊசி செலுத்தினால் மட்டுமே உயிரை காப்பாற்ற முடியும் என மருத்துவர்கள் தெரிவித்துள்ளதால் பெற்றோர்கள் தவித்துவருகின்றனர்.

கோவை மாவட்டம் துடியலூர் அடுத்த NGGO காலனி பகுதியை சேர்ந்தவர்கள் அஜய் சில்விஸ்டர்-சரண்யா தம்பதியினர். இவர்களது ஒன்றரை வயது மகன் லியோனல் தாமஸ்-க்கு SMA Disease எனப்படும் முதுகெலும்புத் தசைநார் வலுவிழப்பு மரபணு நோய் உள்ளது.

இதனால் மற்ற குழந்தைகளை போன்று வழக்கமாக கை, கால் அசைவுகளை அசைக்க இயலாது. மேலும் தலை கழுத்துப் பகுதியும் சரிவர நிற்காது. இதற்கான சிகிச்சை இந்தியாவிலேயே டெல்லி, பெங்களூர் உள்ளிட்ட 4 மருத்துவமனைகளில் தான் கிடைப்பதாக கூறப்படுகிறது. தற்போது இவர்கள் பெங்களூரில் உள்ள தனியார் மருத்துவமனையில் சிகிச்சை அளித்து வரும் நிலையில், இதனை குணப்படுத்துவதற்கு, அளிக்கப்படும் ஊசியின் விலை 16 கோடி ரூபாய்யாகும் என மருத்துவர்கள் தெரிவித்துள்ளனர்.

அவ்வளவு பெரும் தொகை தங்களிடம் இல்லை என்பதால் அரசோ, பொதுமக்களோ அல்லது தனியார் அமைப்புகள் உதவி புரிய வேண்டும் என குழந்தையின் பெற்றோர் கேட்டுக் கொண்டுள்ளனர்.


மேலும் உதவி செய்ய தங்களை செல்போன் எண்ணையும் தொடர்பு கொள்ளலாம் எனவும், Leo fights SMA இன்ஸ்டாகிராம் பக்கத்திலும் இந்த விவரங்களை பகிர்ந்துள்ளதாக தெரிவித்தனர்.