முகப்பு
யாரோடது அந்த கார் ? வெளியான ஸ்ட்ராங் வீடியோ இப்பவாவது பிடிங்க சார்..! ஒரு இளைஞர் கைது
Jan 31, 2025 01:25 AM
1650
யாரோடது அந்த கார் ? வெளியான ஸ்ட்ராங் வீடியோ இப்பவாவது பிடிங்க சார்..! ஒரு இளைஞர் கைது
சென்னை கானத்தூரில் பெண்களின் காரை இரண்டு கார்களில் சென்று விரட்டிய கும்பலை சேர்ந்த ஒருவரை போலீசார் கைது செய்துள்ள நிலையில் பெண்களின் காரை மறித்த கொடி கட்டிய கார் பறிமுதல் செய்யப்பட்டுள்ளது. சம்பவத்தில் தொடர்புடைய டாடா சஃபாரி காரில் சிலர் சாலையில் தாறுமாறாக செல்லும் புதிய வீடியோ ஒன்று வெளியாகி உள்ளது
சென்னை கானத்தூரில் இருந்து குழந்தையுடன் முட்டுக்காடுக்கு பாலத்துக்கு காற்றுவாங்க சென்ற இடத்தில் பெண்களை மர்ம நபர்கள் காரில் விரட்டிய சம்பவம் பேரதிர்ச்சியை ஏற்படுத்திய நிலையில் அந்த இரு கார்களும் போலியான நம்பர் பிளேட்டில் இயங்கியதாக காவல்துறையினர் தெரிவித்திருந்தனர்.
பெண்களை விரட்டிய அந்த நள்ளிரவு ராட்சதர்களை தனிப்படை அமைத்து தேடி வருவதாகவும் தெரிவித்து இருந்தனர். இந்த நிலையில் பெண்களை விரட்டிச்சென்று மறித்த திமுக கொடி போட்ட சஃபாரி கார் அடையாளம் காணப்பட்டது.
போலியான நம்பர் பிளேட்டில் அந்த கார் பல நாட்கள் பொத்தேரி மற்றும் இ.சி.ஆர் சாலையில் சுற்றி வந்ததாகவும் , அந்த காரை போக்குவரத்து போலீசார் மறித்ததே இல்லை என்றும் கூறப்படுகின்றது. அண்மையில் சாலையோரம் பிறந்த நாள் கொண்டாடிய இளைஞர்கள் சிலர் அதே கொடி கட்டிய டாடா சஃபாரி காரில் சாலையில் ஒன் வேயில் நள்ளிரவில் அலப்பறை கொடுத்த வீடியோ ஒன்றும் வெளியானது
இந்த நிலையில் சம்பந்தப்பட்டவர்கள் யார் என்பதை தெரிவிக்காத காவல்துறையினர் , சம்பவத்தில் தொடர்புடைய கார்களை பறிமுதல் செய்துள்ளதாக அறிவித்துள்ளனர்.
அந்த காரில் வந்தவர்கள் கல்லூரி மாணவர்கள் என்றும் அதில் அரசியல் பிரமுகரின் வாரிசு ஒருவர் இருந்ததாகவும் தகவல் வெளியான நிலையில் பழைய கார்களை வாங்கி விற்கும் சந்துரு என்பவரை கைது செய்துள்ளனர்.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
@2025 - Polimernews.com. All Right Reserved. Designed and Developed by Polimer News