முகப்பு
அண்ணே.. பராசக்தி... தம்பி .. பராஷக்தி... எழுத்தில் விளையாடுறாய்ங்களாம்..! என்னடா இது SKவுக்கு வந்த சோதனை
Jan 30, 2025 01:11 AM
528
அண்ணே.. பராசக்தி... தம்பி .. பராஷக்தி... எழுத்தில் விளையாடுறாய்ங்களாம்..! என்னடா இது SKவுக்கு வந்த சோதனை
பழைய ஹிட் படங்களின் பெயர்களை தனது படத்திற்கு வைப்பதை தொடர்ந்து வரும் சிவகார்த்திகேயனின் புதிய படத்துக்கு பராசக்தி என்று நடிகர் திலகம் சிவாஜி கணேசன் படத்தின் பெயர் சூட்டப்பட்டுள்ளது.
இந்த நிலையில் விஜய் ஆண்டனியும் தனது 25 வது படத்திற்கு பராஷக்தி என்று பெயரிட்டிருப்பதாக அறிவித்துள்ளதால் சர்ச்சை உருவாகி உள்ளது
அமரன் படத்தின் மெகா வெற்றிக்கு பின்னர் நடிகர் சிவகார்த்திகேயன், ரவி மோகன் மற்றும் அதர்வாவுடன் இணைந்து நடிக்கும் புதிய படத்தை சுதாகொங்கரா இயக்குகிறார்.
நாகேஷ் நடிப்பில் வெளியான எதிர்நீச்சல், கமலின் காக்கிச்சட்டை, ரஜினியின் வேலைக்காரன், மாவீரன், ஷாருக்கானின் டான் , கார்த்திக்கின் அமரன் என பழைய ஹிட் படங்களின் பெயரை வைத்து 80 சதவீதம் ஹிட் படங்களை கொடுத்துள்ள சிவகார்த்திகேயனின் புதிய படத்துக்கு பராசக்தி என்று பெயர் சூட்டி உள்ளனர்.
குறுக்கே இந்த கவுசிக் வந்தா.... என்பது போல, இசையமைப்பாளரும், நடிகருமான விஜய் ஆண்டனி தனது 25-வது படத்துக்கு பராஷக்தி என்று பெயரிட்டுள்ளதாக எக்ஸ் தளத்தில் அறிவிப்பு ஒன்றை வெளியிட்டுள்ளார். தான் 6 மாதங்களுக்கு முன்பே இந்த படத்தின் பெயரை பதிவு செய்து விட்டதாகவும் அவர் தெரிவித்தார்.
இதனால் சர்ச்சை உருவான நிலையில், எங்க தலைப்புக்கு யார்டா ஓனரு ? என்பது போல ஏ.வி.எம் அறிக்கை ஒன்றை வெளியிட்டுள்ளது, அதில் பராசக்தி படம் வந்து 73 ஆண்டுகள் ஆகின்றது, அன்றைய சமூக அநீதிகளை வெளிச்சம் போட்டுக் காட்டிய பராசக்தி தலைப்பை இன்று டான் பிக்சர்ஸுக்கு கொடுப்பதில் நாங்கள் மிகவும் மகிழ்ச்சியடைகிறோம் என்று தெரிவித்துள்ளனர். இதையடுத்து தமிழில் மட்டும் சக்தி திருமகன் என்றும், மற்ற மொழிகளில் பராஷக்தி என்றும் விஜய் ஆண்டனியின் படம் வெளியாகும் என்று கூறப்பட்டுள்ளது.
இந்த பஞ்சாயத்து முடிந்து விட்டதாக நினைத்த நேரத்தில் எஸ்.கேவுக்கு அடுத்த கட்டையைக் கொடுத்துள்ளனர் சிவாஜி சமூக நலப்பேரவையினர். சிவாஜியின் புகழ்பெற்ற படத்தின் தலைப்பான பராசக்தி என்ற பெயரை வைக்க தங்களது எதிர்ப்பை தெரிவித்துள்ளனர். கதைக்கு தான் பஞ்சம் என்று நினைத்தால், தமிழ் சினிமாவில் படத்தின் தலைப்புக்கும் பஞ்சம் தலை விரித்தாடுவதாக திரை உலகினர் தெரிவித்தனர்.
SHARE
Max characters : 500
RELATED POSTS
ABOUT US
Polimer News is an Indian television channel based in Chennai, India. It was launched by Kalyana Sundaram as a local TV station in Salem, which was carried only on subscription providers. It later changed its programming to an entertainment network and expanded its coverage area to the whole State of Tamil Nadu
@2025 - Polimernews.com. All Right Reserved. Designed and Developed by Polimer News