ராசிபுரத்தில் புதிய பேருந்து நிலையம் அமைக்க எதிர்ப்பு தெரிவித்து வியாபாரிகள் சங்கம் சார்பில் கடையடைப்பு
பொதுமக்கள் மற்றும் வியாபாரிகளிடம் கருத்துக் கேட்காமல் தனி நபரின் நோக்கத்திற்காக அணைப்பாளையம் கிராமத்தில் புதிய பேருந்து நிலையம் அமைக்கப்பட உள்ளதாக கண்டனம் தெரிவித்து, ராசிபுரத்தில் வியாபாரிகள் சங்கம் சார்பில் கடையடைப்பு போராட்டம் நடைபெற்று வருகிறது.
தற்போதுள்ள பேருந்து நிலையத்திலிருந்து சுமார் 8 கிலோ மீட்டர் தூரத்தில் புதிய பேருந்து நிலையம் அமைக்கப்பட உள்ளதால் வியாபாரம் உள்ளிட்ட பல்வேறு பாதிப்புகள் ஏற்படும் என வியாபாரிகள் தரப்பில் தெரிவிக்கப்பட்டுள்ளது.
அணைப்பாளையத்தில் பல ஏக்கரில் நிலம் வைத்துள்ள தனியார் நிறுவனம் பேருந்து நிலையத்திற்காக 7 ஏக்கர் நிலம் அளித்துள்ளதாகவும், அந்நிறுவனத்தின் வியாபார நோக்கத்திற்காக புதிய பேருந்து நிலையம் அமைக்கப்பட உள்ளதாகவும் வியாபாரிகளும் சமூக ஆர்வலர்களும் குற்றம்சாட்டியுள்ளனர்.
RELATED POSTS
Comments