டாஸ்மாக்கில் மதுவுக்கு கூடுதல் விலை கேட்டதாகக் கூறி தகராறு.. கடை மேற்பார்வையாளர் தலையில் பாட்டிலை உடைத்தவரை தட்டி தூக்கிய போலீஸ்
மன்னார்குடி கீழப்பனையூரில் மதுவுக்கு கூடுதல் விலை கேட்டதாகக் கூறி டாஸ்மாக் மேற்பார்வையாளரை மது பாட்டிலால் தாக்கிய ஒருவர் கைது செய்யப்பட்டார்.
அங்குள்ள டாஸ்மாக் கடைக்கு வந்த 4 பேர், குறிப்பிட்ட பிராண்டின் 2 பாட்டில்களைக் கேட்டதாகக் கூறப்படுகிறது. 140 ரூபாய் மதிப்புள்ள அந்த 2 பாட்டில்களுக்கு கடை மேற்பார்வையாளர் 160 ரூபாய் கேட்டதாகவும், கூடுதல் 20 ரூபாய் எதற்கு என்றதற்கு பாட்டிலுக்கான டெபாசிட் என்று பதிலளித்தாகவும் சொல்லப்படுகிறது.
அதற்குரிய பில் கேட்ட போது இரு தரப்புக்கும் இடையே வாக்குவாதம் ஏற்பட்டு, 4 பேரும் தம்மை தாக்கியதாக மேற்பார்வையாளர் அளித்த புகாரின் பேரில் அருள்முருகன் என்பவரை கைது செய்த போலீசார், அவரது நண்பர்கள் 3 பேரை தேடி வருவதாக தெரிவித்தனர்.
RELATED POSTS
Comments