தோட்டத்தில் பெண் சடலம் எரிப்பு: இன்ஸ்டா காதலன் கைது
சேலம் மாவட்டம் மலையாளப்பட்டியில் இணையத்தில் அறிமுகமாகி குடும்பம் நடத்தி வந்த பெண்ணைக் கொன்று தோட்டத்தில் தீ வைத்து எரித்ததாக மந்திரவாதி ஒருவரை போலீஸார் கைது செய்தனர்.
வல்லரசு என்ற அந்த மந்திரவாதியும் கருத்து வேறுபாட்டால் கணவரை பிரிந்த 3 குழந்தைகளின் தாயான மயிலாடுதுறையை சேர்ந்த சுகுணாவும் இன்ஸ்டாகிராம் மூலம் ஏற்பட்ட பழக்கத்தின் பேரில் ஒன்றாக வசித்து வந்ததாக கூறப்படுகிறது.
சுகுணாவை மந்திரவாதி வல்லரசு 2 நாட்களுக்கு முன் கழுத்தை நெறித்து கொன்றுவிட்டு, அவரது உடலை கொல்லிமலையைச் சேர்ந்த தமது நண்பர் பாக்கியராஜின் உதவியுடன் எரித்ததாக போலீசார் தெரிவித்தனர்.
மந்திரவாதி வல்லரசு மீது ஏற்கனவே ஒரு கொலை மற்றும் போக்ஸோ வழக்குகள் உள்ள நிலையில் சுகுணாவை எதற்காக கொன்று எரித்தார் என விசாரித்து வருவதாகவும் தலைமறைவாக உள்ள நண்பர் பாக்கியராஜை தேடி வருவதாகவும் போலீசார் கூறினர்.
RELATED POSTS
Comments