மக்களவைக்குள் 2 பேர் நுழைந்த விவகாரத்தில், பாதுகாப்பு பணியில் கவனக் குறைவாக இருந்ததாக மக்களவைச் செயலக ஊழியர்கள் 8 பேர் சஸ்பெண்ட்
மக்களவைக்குள் 2 பேர் நுழைந்த விவகாரத்தில், பாதுகாப்பு பணியில் கவனக் குறைவாக இருந்ததாக மக்களவைச் செயலக ஊழியர்கள் 8 பேர் சஸ்பெண்ட் செய்யப்பட்டனர். நாடாளுமன்ற குளிர்கால கூட்டத் தொடர் நடைபெற்று வரும் நிலையில், பார்வையாளர் மாடத்தில் இருந்து மக்களவைக்குள் புகுந்த 2 பேர் வண்ணப் புகை குப்பிகளை வீசினர்.
அவைக்குள் நுழைந்த 2 பேர், வெளியே ஆர்ப்பாட்டம் நடத்திய 2 பேர், அவர்களுக்கு உதவியாக இருந்த ஒருவர் ஆகிய 5 பேர் இதுவரை கைது செய்யப்பட்ட நிலையில், முக்கிய கூட்டாளியான லலித் ஜா என்பவரை போலீசார் தேடி வருகின்றனர்.
இவர்கள் 6 பேர் மீதும் சட்டவிரோத நடவடிக்கைகள் தடை சட்டமான உபாவின் கீழ் டெல்லி போலீஸ் வழக்குப்பதிவு செய்துள்ளனர். இவர்கள் அனைவரும் பகத்சிங் ரசிகர் கிளப் என்ற சமூக வலைதள பக்கம் மூலம் ஒருங்கிணைந்து செயல்பட்டதாக போலீசார் தெரிவித்துள்ளனர்.
RELATED POSTS
Comments