ஒரு கண்டன அறிக்கை போதும் கே.ஜி.எப் வெளியாகி இருக்குமா ? தம்பிகளுக்காக சீமான் ஆவேசம்..! அரசியல் கட்சிகளுக்கு அவமானம்

Sep 30, 2023 06:43:30 PM 0 1844

கர்நாடகத்தில் நடிகர் சித்தார்த்துக்கு எதிர்ப்பு தெரிவித்த சம்பவத்திற்கு கண்டனம் தெரிவித்துள்ள நாம் தமிழர் கட்சியின் தலைமை ஒருங்கிணைப்பாளர் சீமான், தான் ஒரு அறிக்கை விட்டிருந்தால் போதும் கே.ஜி.எப் படம் தமிழகத்தில் எங்காவது வெளியாகி இருக்குமா ? என்றும் கேள்வி எழுப்பி உள்ளார்.

நாகை மாவட்டம் வேதாரண்யத்தில் செய்தியாளர்களை சந்தித்த நாம் தமிழர் கட்சியின் தலைமை ஒருங்கிணைப்பாளர் சீமான், தமிழகத்தில் தம்பி யாஷ் நடித்த கே.ஜி.எப் 2 படங்கள் வந்தது நாங்கள் தடுக்கவில்லை, ஆனால் கர்நாடகாவில் தம்பி விஜய் உள்ளிட்ட நடிகர் படங்களை தடுக்கிறார்கள். தம்பி சித்தார்த்தை பேசவிடாமல் தடுக்கிறார்கள், எங்களை இனவெறியர்கள் என சொல்கிறார்கள், அவர்களை என்ன சொல்வது என்று கேள்வி எழுப்பி உள்ளார்

கர்நாடகாவில் அன்னிய நாட்டு படங்களை வெளியிட அனுமதிக்கிறார்கள், பக்கத்து மாநிலமான நாங்கள் தயாரித்தால் அங்கே வெளியிட அனுமதிக்க மறுப்பது ஏன் ? என்று கேள்வி எழுப்பி உள்ள சீமான், தான் ஒரு அறிக்கை விட்டிருந்தால் போதும் கே.ஜி.எப் படம் தமிழகத்தில் எங்காவது வெளியாகி இருக்குமா ? என்றும் இதனை இங்குள்ள அரசியல் கட்சிகள் கண்டிக்காதது பெருத்த அவமானம் என்றும் கூறி உள்ளார்