எகிப்தில் நடைபெற்றுவரும் ப்ரைட் ஸ்டார் கூட்டு போர் பயிற்சி... எகிப்து விமானத்திற்கு நடுவானில் எரிபொருள் நிரப்பிய இந்திய விமானம்
ஹாலிவுட் படங்களில் வரும் காட்சியைப் போல, எகிப்து விமானப்படை விமானத்திற்கு இந்திய விமானப்படை விமானம் மூலம் நடுவானில் எரிபொருள் நிரப்பி ஒத்திகைப் பார்க்கப்பட்டது.
2 ஆண்டுகளுக்கு ஒரு முறை பல்வேறு நாடுகள் இணைந்து மேற்கொள்ளும் பிரைட் ஸ்டார் கூட்டு போர் ஒத்திகை எகிப்தில் கடந்த 3-ம் தேதி கெய்ரோ விமானப்படை தளத்தில் தொடங்கியது.
வரும் 16-ம் தேதி வரை பயிற்சி நடைபெறுகிறது. இந்த பயிற்சியில், கெய்ரோ வான் பரப்பில் பறந்த எகிப்து விமானப் படையின் மிக்-29 மற்றும் ரஃபேல் விமானங்களுக்கு இந்திய விமானப்படையின் ஐ.எல்.78 ரக டேங்கர் விமானம் மூலம் எரிபொருள் நிரப்பப்பட்டது.
எகிப்தில் நடைபெற்று வரும் இந்த ஒத்திகையில், இந்திய விமானப்படை சார்பில் மிக்-29 ரகத்தை சேர்ந்த 5 விமானங்களும், ஐ.எல்-78 ரகத்தை சேர்ந்த 2 எரிபொருள் நிரப்பு விமானங்களும், சி-130, சி-70 ரகங்களை சேர்ந்த தலா 2 விமானங்களும் பங்கேற்றுள்ளன.
இந்திய விமானப்படையின் கருடா சிறப்பு பிரிவு வீரர்களுடன் இந்திய ராணுவத்தை சேர்ந்த சுமார் 150 வீரர்களும் பயிற்சியில் ஈடுபட்டுள்ளனர்.
RELATED POSTS
Comments