விளை நிலத்தில் டிராக்டர் ஓட்டி, நாற்று நட்ட வீடியோவை டுவிட்டரில் பகிர்ந்த ராகுல் காந்தி..!!
அரியானா மாநிலம், சோனிபட் மாவட்டத்திற்கு சென்றிருந்த ராகுல் காந்தி, விவசாயிகளுடன் சேர்ந்து, டிராக்டர் ஓட்டி, நாற்று நட்ட வீடியோவை ட்விட்டரில் பகிர்ந்துள்ளார். அங்குள்ள விளைநிலங்களுக்குச் சென்ற அவர், விவசாயிகள் உடன் கலந்துரையாடினார். பின்னர், வயலில் டிராக்டரை ஓட்டினார்.
பின்னர் விவசாயிகளுடன் சேர்ந்து நெல் நடும் பணியில் ராகுல் காந்தி ஈடுபட்டார். தனது பேண்ட்டை சுருட்டிக் கொண்டு அவர் சேற்றில் இறங்கி அவர் நாற்று நட்டதை, விவசாயிகள் ஆச்சரியமாக பார்த்தனர்.
பெண்களுடன் கலந்துரையாடிய ராகுல் காந்தி, அவர்கள் கொடுத்த சப்பாத்தியை சாப்பிட்டார். பின்னர் அவர்கள் டெல்லியை சுற்றிப்பார்க்க ஏற்பாடு செய்வதாக உறுதி அளித்தார். விவசாயிகளுக்கு எதிரான சட்டத்தைக் கண்டித்து தான் தொடர் போராட்டம் நடத்தியதை அப்போது அவர் நினைவு கூர்ந்தார்.
RELATED POSTS
Comments