தமிழக காவல்துறை சட்டம் ஒழுங்கு டி.ஜி.பி.யாக சங்கர் ஜிவால் இன்று பொறுப்பேற்கிறார்..!!

Jun 30, 2023 06:46:43 AM 0 2214

தமிழக காவல்துறையில் சட்டம் ஒழுங்கு பிரிவின் 31வது டி.ஜி.பி.யாக சங்கர் ஜிவால் இன்று பொறுப்பேற்றுக் கொள்கிறார்.

சைலேந்திர பாபு ஓய்வு பெறுவதை அடுத்து புதிய டி.ஜி.பி.யை நியமித்து தமிழ்நாடு அரசு அரசாணையை வெளியிட்டுள்ளது.

1990-ஆம் ஆண்டு பேட்ச் ஐ.பி.எஸ். அதிகாரியான சங்கர் ஜிவால், உத்தரகாண்ட் மாநிலத்தைச் சேர்ந்தவர். 2019-ஆம் ஆண்டில் ஆயுதப்படை கூடுதல் டி.ஜி.பி.யாக நியமிக்கப்பட்ட அவர், 2021-ஆம் ஆண்டில் சென்னை காவல் ஆணையராக பணியமர்த்தப்பட்டார்.

டி.ஜி.பி. அந்தஸ்து பெற்ற பின்னரும் 2 ஆண்டுகள் காவல் ஆணையராக பணிபுரிந்த சங்கர் ஜிவால், மெச்ச தகுந்த பணிக்காக இருமுறை குடியரசு தலைவர் பதக்கம் பெற்றுள்ளார்.

இதேபோன்று, சென்னை மாநகர புதிய காவல் ஆணையராக சந்தீப் ராய் ரத்தோரும் இன்று பொறுப்பேற்க உள்ளார்.

ஆவடி ஆணையரகத்தின் காவல் ஆணையராக 2 ஆண்டுகள் பொறுப்பு வகித்த அவர், அண்மையில் டி.ஜி.பி. அந்தஸ்து பெற்று காவல் பயிற்சி அகாடமி இயக்குனராக பொறுப்பு வகித்து வந்தார்.