குப்பை தொட்டியில் துப்பாக்கி.. சென்னையில் பரபரப்பு
சென்னை அயனாவரத்தில் குப்பை தொட்டியில் ஒரு கைத்துப்பாக்கி, 7 தோட்டாக்கள் மற்றும் 5 பாஸ்போர்ட்கள் கண்டெடுக்கப்பட்டன.
அயனாவரம் குன்னூர் தெருவில் உள்ள குப்பைத் தொட்டியில் தூய்மைப்பணியாளர்கள் குப்பைகளை தரம் பிரிக்கும் பணியில் ஈடுபட்டபோது ஒரு பாலிதீன் கவரில் கைத்துப்பாக்கி, தோட்டக்கள் மற்றும் பாஸ்போர்ட்டுகள் இருந்ததை கண்டெடுத்து போலீசில் ஒப்படைத்தனர்.
போலீசார் நடத்திய விசாரணையில், பாளையக்கார தெருவை சேர்ந்த ஜெனிஷா ஜான்சன் வீட்டில் இருந்து கொண்டுவரப்பட்ட குப்பையில் அவை இருந்தது தெரியவந்தது. அவரிடம் விசாரணை நடத்திய போது, வீட்டை காலி செய்து விட்டு செல்வதால் தேவையில்லாத பொருட்களை குப்பை தொட்டியில் கொட்டியதாகவும், அரசு மருத்துவராக இருந்த, இறந்து போன தனது தந்தையின் கைத்துப்பாக்கியை தவறுதலாக குப்பையில் போட்டு விட்டதாகவும் ஜெனிஷா தெரிவித்தார்.
கைத்துப்பாக்கிக்கு உரிய ஆவணங்கள் உள்ளதா? என்ற பல்வேறு கோணங்களில் போலீசார் தொடர்ந்து விசாரணை மேற்கொண்டுள்ளனர்.
RELATED POSTS
Comments