செங்கோல் அனைவருக்கும் தொடர்ந்து ஊக்கமளித்து கொண்டிருக்கும் - பிரதமர் மோடி
புதிய நாடாளுமன்றம் காலத்தின் கட்டாயம் என்றும், நாட்டு மக்கள் அனைவரின் விருப்பங்களை பிரதிபலிக்கும் வகையில் அமைந்துள்ளதாகவும் பிரதமர் மோடி தெரிவித்துள்ளார்.
டெல்லியில் நாடாளுமன்ற கட்டிட திறப்பு விழா நிகழ்ச்சியில் பேசிய பிரதமர், ஒரே இந்தியா, வலிமையான இந்தியா என்பதை பிரதிபலிக்கும் புதிய நாடாளுமன்றம் கட்டிடம், 75ஆவது சுதந்திர தினத்தையொட்டி நாட்டிற்கு அளிக்கப்பட்ட பரிசு என்றார்.
மக்களவையில் நிறுவப்பட்டுள்ள பெருமைவாய்ந்த செங்கோல் அனைவருக்கும் தொடர்ந்து ஊக்கமளித்து கொண்டிருக்கும் எனறும் பிரதமர் குறிப்பிட்டார். அடுத்த 25 ஆண்டுகளில் இந்தியாவை வளர்ந்த நாடாக மாற்ற வேண்டும் என்றும், இந்தியா வளரும்போது உலக நாடுகளும் இணைந்து வளரும் என்றும் பிரதமர் கூறினார்.
RELATED POSTS
Comments