புதிதாக திறக்கப்பட்ட பேக்கரிக்குள் புகுந்து திண்பண்டங்களை தள்ளிவிட்டு கடை ஊழியர்களை தாக்கிய போதை ஆசாமிகள்..!
பழனியில், புதிதாக திறக்கப்பட்ட பேக்கரிக்குள் புகுந்து பணம் கேட்டு தகராறு செய்ததாக போதை ஆசாமிகளை போலீசார் தேடி வருகின்றனர்.
கேரளாவைச் சேர்ந்த அம்சா என்பவர் நடத்தி வரும் பேக்கரி 3 நாட்களுக்கு முன்பு திறக்கப்பட்டுள்ளது.
அன்றிலிருந்தே அதே பகுதியைச் சேர்ந்த 3 பேர், பேக்கரிக்கு வந்து டீ,காபி குடித்துவிட்டு திண்பண்டங்களை எடுத்துக் கொண்டு ஓடுவதை வாடிக்கையாக வைத்திருந்ததாக சொல்லப்படுகிறது.
நேற்றிரவும் அதே 3 பேர் மதுபோதையில் கடைக்கு வந்து கல்லா பெட்டியிலுள்ள பணத்தை எடுக்க முயன்றுள்ளனர்.
அதில் ஒருவன் போதையில் உணவு பொருட்கள் மீது சாய்ந்ததால், கடைக்காரர் அவரை தள்ளிவிடவே, ஆத்திரத்தில் அவரை தாக்கி ரகளையில் ஈடுபட்டுள்ளனர்.
இதில் கடை ஊழியர்கள் 3 பேர் காயமடைந்த நிலையில், பேக்கரி உரிமையாளர் அளித்த புகாரின் பேரில் போதை ஆசாமிகளை போலீசார் தேடி வருகின்றனர்.
RELATED POSTS
Comments