பிரிக்ஸ் மாநாட்டில் பங்கேற்றால் புதின் கைது செய்யப்படலாம்?

தென் ஆப்பிரிக்காவில் நடைபெற உள்ள பிரிக்ஸ் கூட்டமைப்பு மாநாட்டில் ரஷ்ய அதிபர் புதின் கலந்துக் கொண்டால் அவர் கைதுசெய்யப்படலாம் என்று தகவல் வெளியாகியுள்ளது.

பிரேசில், ரஷ்யா, இந்தியா, சீனா மற்றும் தென் ஆப்பிரிக்கா ஆகிய நாடுகளைக் கொண்ட பிரிக்ஸ் கூட்டமைப்பு மாநாடு தென் ஆப்பிரிக்காவில் ஆகஸ்ட் மாதம் நடைபெற உள்ளது.
போர்க்குற்றங்களுக்காக புதினைக் கைது செய்ய வேண்டுமென சர்வதேச குற்றவியல் நீதிமன்றம் கடந்த மார்ச் மாதம் வாரண்ட் பிறப்பித்தது.

இது குறித்து ஆய்வு செய்ய தென் ஆப்பிரிக்க அதிபர் சிரில் ராமபோசா ஒரு விசாரணைக் குழுவை நியமித்தார். தென் ஆப்பிரிக்காவில் கால் பதித்தால் புதினைக் கைது செய்வதைத் தவிர வேறு வழியில்லை என்று அக்குழு அரசுக்குப் பரிந்துரை செய்துள்ளது.