பெட்ரோல் திருடப்போன பைக்கில் பெட்ரோல் இல்லாததால் ஆத்திரம்.. தீ வைத்து எரித்த திருடர்கள்..!
நாகர்கோவிலில், மோட்டார் சைக்கிளிலிருந்து பெட்ரோல் திருட முயற்சித்த போது அதில் பெட்ரோல் இல்லாததால் பைக்கை எரித்த 2 இளைஞர்கள் கைது செய்யப்பட்டனர்.
கோட்டாரைச் சேர்ந்த ஐடி ஊழியரான ஹரிஹரசுதன் இரவில் தனது வீட்டின் முன்பு மோட்டார் சைக்கிளை நிறுத்தி வைத்திருந்தார். மறுநாள் காலையில் பார்த்த போது மோட்டார் சைக்கிள் எரிந்த நிலையில் கிடந்தது. இது குறித்த புகாரின் பேரில் போலீசார் அப்பகுதியில் இருந்த சிசிடிவி காட்சிகளை ஆய்வு செய்தனர். அதன் அடிப்படையில், அதே பகுதியைச் சேர்ந்த தாணுமூர்த்தி, ராம்கி ஆகியோரை கைது செய்தனர்.
எந்தவிதமான முன்விரோதமும் இன்றி பைக்கை எரித்தது ஏன் என போலீசார் விசாரித்தனர். அதற்கு, தங்களின் பைக்கில் பெட்ரோல் இல்லாததால் ஹரியின் பைக்கிலிருந்து பெட்ரோலை திருட வந்ததாகவும், ஆனால், அந்த பைக்கிலும் பெட்ரோல் இல்லாததால், ஆத்திரத்தில் தீ வைத்ததாகவும் அவர்கள் போலீசாரிடம் தெரிவித்தனர்.
RELATED POSTS
Comments