மதுரையில் மது போதையில் காரை இயக்கி விபத்து; இரண்டு மணி நேரம் போலீசாரை போக்குக்காட்டிய போதை ஆசாமியால் பரபரப்பு

Apr 28, 2023 10:40:13 AM 0 2266

மதுரையில் மது போதையில் வேகமாக காரை ஓட்டி விபத்தை ஏற்படுத்திவிட்டு, ப்ரீத் அனலைசர் மூலம் சோதனை செய்ய ஒத்துழைக்காமல் போலீசாரிடம் போக்குகாட்டிய நபர் மீது வழக்குப்பதிவு செய்யப்பட்டுள்ளது.

மேலமாசி வீதியைச் சேர்ந்த பிரித்திவிராஜ் என்பவர் நேற்று நள்ளிரவு மதுபோதையில் அதிவேகமாக காரை ஓட்டிவந்து எல்லீஸ் நகர் 70 அடி சாலையில் இருசக்கர வாகனத்தின் மீது மோதியதில் அதில் வந்த இரண்டு பேர் பலத்த காயமடைந்தனர். பலத்த காயங்களுடன் போராடியவர்களை அப்பகுதி மக்கள் மீட்டு 108 ஆம்புலன்ஸ் மூலம் அரசு ராஜாஜி மருத்துவமனைக்கு அனுப்பி வைத்தனர்.

மேலும் அதிவேகமாக காரை ஓட்டி வந்து விபத்து ஏற்படுத்திய போதை ஆசாமி பிரித்விராஜை அப்பகுதி மக்கள் மடக்கி பிடித்து போலீசாரிடம் ஒப்படைத்தனர். போலீசார் ப்ரீத் அனலைசர் கருவி மூலம் சோதனை செய்ய முற்பட்டபோது போதை ஆசாமி இரண்டு மணி நேரமாக போக்குக்காட்டினார்.

இதனால் போக்குவரத்து நெரிசல் ஏற்பட்டதையடுத்து, பொறுமை இழந்த போலீசார் அவரை காவல் நிலையம் அழைத்துச் சென்று அவர் மீது வழக்கு பதிவு செய்து விசாரணை நடத்தி வருகின்றனர்.