15 நிமிடங்களில் ஏடிஎம்-ஐ கொள்ளையடிப்பது எப்படி.? ரகசிய பயிற்சி நிறுவனம் பீகாரில் கண்டுபிடிப்பு - போலீஸ் விசாரணை

பீகாரில், வேலையில்லாத இளைஞர்களுக்கு 15 நிமிடங்களில் ஏ.டி.எம் இயந்திரத்தை உடைத்து கொள்ளை அடிப்பது எப்படி? என 3மாத கோர்ஸாக பயிற்சியளித்த கோச்சிங் சென்டரை, உத்தர பிரதேச போலீஸார் கண்டுபிடித்துள்ளனர்.

லக்னோவில் ஏடிஎம்மை உடைத்து 39 லட்ச ரூபாய் பணத்தை திருடியதாக 4 இளைஞர்கள் கைது செய்யப்பட்டனர். அவர்களிடமிருந்து 9 லட்சத்தை மீட்ட காவல்துறையினர், பான் - இந்தியா கும்பலின் தலைவனான மிஸ்ரா-வை கைது செய்வதில் தீவிர கவனம் செலுத்தி வருகின்றனர்.

தன்னுடைய திறமையின் மூலம் ஏடிஎம் பாபா என அழைக்கப்படும் சுதிர் மிஸ்ரா, நாடு முழுவதும் உள்ள பல்வேறு மாநிலங்களைச் சேர்ந்த வேலையில்லாத இளைஞர்களுக்கு ஏ.டி.எம்-களை 15 நிமிடத்தில் உடைத்து கொள்ளையடிப்பதற்கு 3 மாத பயிற்சி வழங்கி இருக்கிறார்.

இந்தக் கும்பல் நாட்டின் பல்வேறு பகுதிகளில் 30-க்கும் மேற்பட்ட ஏடிஎம் கொள்ளை வழக்குகளில் ஈடுபட்டுள்ளது.