புதுச்சேரியில் முன்விரோதத்தில் ரவுடியை ஓடஓட விரட்டி வெட்டி கொலை செய்த 7 பேர் கைது!
புதுச்சேரியில், முன்விரோதத்தில் ரவுடியை கொலை செய்ததாக 7 பேரை போலீசார் கைது செய்தனர். அரியாங்குப்பத்தைச் சேர்ந்த ரவுடி பிரவீனை அப்பகுதியில் உள்ள தனியார் மதுபானக்கடை அருகே ஒரு கும்பல் நேற்று முன்தினம் ஓடஓட விரட்டி வெட்டி கொலை செய்தது.
இது தொடர்பாக அதேப்பகுதியைச் சேர்ந்த ஆகாஷ், ஜான், ஷேக் உள்ளிட்ட 7 பேரை கைது செய்தனர். பிரவின் அவ்வப்போது ஆகாஷை, தாக்கி வந்ததால் இருவருக்கும் இடையே முன்விரோதம் இருந்து வந்துள்ளதாகவும், இதனால், நண்பர்களுடன் சேர்ந்து பிரவீனை ஆகாஷ் கொலை செய்ததாகவும் போலீசார் தெரிவித்தனர்.
இதனிடையே பிரவீனை கொலை செய்வதற்காக மோட்டார் சைக்கிளில் செல்வதும், பின்னர், கையில் ஆயுதங்களுடன் சிலர் திரும்பி ஓடும் சிசிடிவி காட்சிகளை போலீசார் வெளியிட்டனர்.
RELATED POSTS
Comments