வீடு வாடகைக்கு கேட்பதுபோல் நாடகமாடி நகை திருட்டு - 2 பேர் கைது
சென்னை கிண்டி அருகே வீடு வாடகைக்கு கேட்பதுபோல் நடித்து, மூதாட்டியிடம் 8 சவரன் நகைகளை கொள்ளையடித்துச் சென்ற 2 பேரை சிசிடிவி காட்சிகளின் அடிப்படையில் போலீசார் கைது செய்தனர்.
ஈக்காட்டுதாங்கலைச் சேர்ந்த சொர்ணாதேவி என்பவரின் வீட்டிற்கு, கடந்த 31ம் தேதியன்று வீடு கேட்பதுபோல் சென்ற இருநபர்கள், அவரை அறைக்குள் தள்ளிவிட்டு கத்தியை காட்டி மிரட்டி, நகைகளை பறித்து கொண்டு, காலில் விழுந்து பணத் தேவைக்காக கொள்ளை அடிப்பதாகக்கூறி மன்னிப்பு கேட்டு விட்டு தப்பி உள்ளனர்.
புகாரின்பேரில் சிசிடிவி காட்சிகளை ஆய்வு செய்த கிண்டி போலீசார், கோயம்புத்தூரைச் சேர்ந்த அஜீத் மற்றும் பிரபு ஆகிய இருவரை கைது செய்தனர். அம்மாவின் மருத்துவ செலவிற்காகவும், பணத்தேவைக்காகவும் குறுக்கு வழியை தேர்ந்தெடுத்து இருவரும் கொள்ளைச் சம்பவத்தை அரங்கேற்றியதாக போலீசார் தெரிவித்தனர்.
RELATED POSTS
Comments