துணிக்கடை இரும்பு கேட் விழுந்து 5 வயது சிறுமி உயிரிழந்த சம்பவம்.. 2 பேர் கைது!
சென்னை கீழ்ப்பாக்கத்தில், துணிக்கடை இரும்பு கேட் விழுந்து 5 வயது சிறுமி உயிரிழந்த சம்பவத்தில், 2 பேர் கைது செய்யப்பட்டுள்ளனர்.
ஹார்லே சாலையில் உள்ள பிரபல துணிக்கடை நிறுவனத்தில், நம்மாழ்வார் பேட்டையைச் சேர்ந்த ஷங்கர் என்பவர் பணியாற்றி வருகிறார். சனிக்கிழமை அன்று ஷங்கரின் மனைவி, தனது மகள் ஹரிணியுடன் கணவரை அழைத்துச் செல்வதற்காக வந்துள்ளார்.
அப்போது, காவலாளி சம்பத் கேட்டை மூடமுயன்ற போது, எதிர்பாரதவிதமாக சிறுமியின் மீது விழுந்தது. இதில், படுகாயமடைந்த சிறுமி சிகிச்சைப் பலனின்றி உயிரிழந்தார்.
இதுகுறித்து விசாரணை நடத்தி, காவலாளி சம்பத் மற்றும் துணிக்கடை மேலாளர் ஸ்ரீநிவாசனை போலீசார் கைது செய்தனர்.
மேலும், கட்டிட உரிமையாளர் கார்த்தி என்பவர் மீதும் வழக்குப்பதிவு செய்து போலீசார் தேடி வருகின்றனர்.
Comments