அடிவேணுமா அடி இருக்கு.. மிதிவேணுமா மிதி இருக்கு.. மொத்தத்துல ஆப்பு இருக்கு..! திருமண பேனரில் தில்ராஜ்

Jan 27, 2023 09:53:14 PM 0 3694

வாரிசு படத்தில் எல்லாமே இருக்கு என்று சொன்ன தயாரிப்பாளர் தில்ராஜூவை ரசிகர்கள் கலாய்த்து வந்த நிலையில், அவரது படத்துடன் கூடிய திருமண பேணரை அச்சிட்டுள்ள காரைக்குடி இளைஞர்கள் மாப்பிள்ளைக்கு என்ன வெல்லாம் காத்திருக்கு என்று குறிப்பிட்டு கலகலப்பூட்டி உள்ளனர்.

எந்த நேரத்தில் வாரிசு ஆடியோ விழாவில் இப்படி பேசினாரோ தில்ராஜ், அவரது படத்தில் இடம் பெற்ற வசனங்களை விட தில்ராஜின் இந்த டயலாக் ட்ரோல் மெட்ரீயலாக மாறி வைரல் ஹிட் அடித்துள்ளது.

இந்த நிலையில் காரைக்குடியில் திருமண விழா பேணர் ஒன்றில் மைக்குடன் மாஸ் காட்டும் நிலைக்கு உயர்ந்துள்ளார் வாரிசு தயாரிப்பாளர் தில்ராஜ்.

அந்த பேணரில் இனிமே பெண்டாட்டிகிட்ட அடி வேணுமா அடி இருக்கு, தலையில கொட்டு வேணுமா கொட்டு இருக்கு, வயித்துல குத்து வேணுமா குத்து இருக்கு, மிதி வேணுமா அதுவும் இருக்கு, மொத்தத்துல உனக்கு ஆப்பு இருக்கு ... ஹேப்பி மேரேஜ் நண்பா... என்று தில்ராஜ் பாணியில் குறிப்பிட்டு கலகலப்பூட்டி உள்ளனர்.

தமிழகத்தில் வேறு ஒரு மாநிலத்தை சேர்ந்த சினிமா தயாரிப்பாளருக்கு படத்துடன் திருமண பேணர் வைத்திருப்பது இதுவே முதல் தடவை என்பது குறிப்பிடதக்கது.