ரவுசு காட்டு ரவுண்டு கட்டு… வழக்கு வாங்கு..! பைக் புள்ளீங்கோஸ் அடாவடி

Dec 06, 2022 08:09:04 PM 0 1818

மதுரையில் அம்பேத்கர் நினைவு நாளை முன்னிட்டு அவரது சிலைக்கு மாலை அணிவிக்க சென்ற இளைஞர்கள் இரு சக்கர வாகனத்துடன் சாலையில் போலீஸ்காரரை ரவுண்டு கட்டி, மற்ற வாகனங்களை தடுத்து நிறுத்தியதால் பரபரப்பு ஏற்பட்டது

மதுரையில் அம்பேத்கர் நினைவு நாளை முன்னிட்டு அவரது சிலைக்கு மாலை அணிவிக்க சென்ற விடுதலை சிறுத்தை கட்சியின் இளைஞர்கள் சிந்தாமணி பேருந்து நிறுத்த சிக்னலில் இருசக்கர வாகனத்தில் வட்டமிட்டபடி கூச்சலிட்டதால் அங்கு சிறிது நேரம் போக்குவரத்து பாதிக்கப்பட்டது.

அந்த சிக்னலில் பணியில் இருந்த போக்குவரத்து போலீஸ் காரரை இரு சக்கர வாகனத்தில் ரவுண்டு கட்டி ரவுசு காட்டினர்

அங்கு பாதுகாப்புக்கு நின்ற போலீஸ்காரர் ஒருவர் அத்துமீறிய பைக் பாய்ஸை எச்சரித்தும் கேளாமல் மற்ற வாகன ஓட்டிகளுக்கு இடையூறு ஏற்படுத்தினர்

இதையடுத்து தகவல் அறிந்து அங்கு வந்த விடுதலை சிறுத்தைகள் கட்சியின் நிர்வாகி ஒருவர் , பைக்கில் அடாவடி ஆட்டம் போட்ட இளைஞர்களை சத்தம் போட்டு அங்கிருந்து அழைத்துச்சென்றார்

இதனால் அந்தபகுதியில் சிறிது நேரம் பரபரப்பு ஏற்பட்டது. ஏற்கனவே இதே போல மதுரையில் மகளிர் கல்லூரிக்குள் புகுந்த கும்பல் மீது கைது நடவடிக்கை மேற்கொள்ளப்பட்ட நிலையில், சாலையில் அட்டகாசம் செய்த இந்த இளைஞர்கள் மீதும் வழக்கு பதிவு செய்ய உத்தரவிடப்பட்டுள்ளதாக தகவல் வெளியாகி உள்ளது.