சென்னையில் இரவு முழுவதும் பெய்த மழை.. சாலைகளில் தேங்கிய மழைநீர்..!
சென்னையில் 2வது நாளாக நேற்றும் இரவும் மழை பெய்ததால் சாலைகளில் மழைநீர் தேங்கியது. தியாகராயநகர் சுரங்கப்பாதையில் மழைநீர் தேங்கியதால் வாகனங்கள் ஊர்ந்து சென்றன.
தமிழகத்தில் வடகிழக்கு பருவமழை தீவிரம் அடைந்துள்ள நிலையில் சென்னை மற்றும் புறநகர்ப் பகுதிகளில் 2வது நாளாக நேற்றும் இரவு மழை பெய்தது.
ராயப்பேட்டை ஜெனரல் பேட்டர்ஸ் சாலை, சென்ட்ரல் அருகே வால்டாக்ஸ் சாலை, வியாசர்பாடி உள்ளிட்ட சாலைகளில் தண்ணீர் தேங்கியுள்ளது.
தியாகராயர்நகர் துரைசாமி சுரங்கப்பாதையில் தண்ணீர் தேங்கியதால் போக்குவரத்து பாதிக்கப்பட்டது.
ரங்கராஜபுரம் சுரங்கப்பாதையில் சேறும் சகதியுமாக இருப்பதால் போக்குவரத்து நிறுத்தப்பட்டு உள்ளது.
இதனிடையே, கனமழை காரணமாக 9 மாவட்டங்களில் பள்ளிகளுக்கு விடுமுறை விடப்பட்டு உள்ளது.
சென்னையில் உள்ள பள்ளி- கல்லூரிகளுக்கு விடுமுறை அறிவிக்கப்பட்டு உள்ளது. அதேபோன்று ராணிப்பேட்டை, திருவள்ளூர் மாவட்டத்தில் உள்ள பள்ளி- கல்லூரிகளுக்கு விடுமுறை விடப்படுவதாக மாவட்ட நிர்வாகங்கள் அறிவித்துள்ளன.
வேலூர், காஞ்சிபுரம், விழுப்புரம், செங்கல்பட்டு மாவட்டங்களில் பள்ளிகளுக்கு மட்டும் விடுமுறை விடப்பட்டு உள்ளது.
RELATED POSTS
Comments