இடித்து விட்டு நிற்காமல் சென்ற தனியார் பேருந்தை துரத்தி சென்று மறித்த கார் சாலைத் தடுப்பில் மோதி விபத்து!
திருச்சியில் இடித்து விட்டு நிற்காமல் சென்ற தனியார் பேருந்தை துரத்தி சென்று நடுரோட்டில் மறித்த கார் சாலைத் தடுப்பில் மோதி விபத்துக்குள்ளானது.
லால்குடியில் இருந்து சத்திரம் பேருந்து நிலையம் நோக்கி சென்ற தனியார் பேருந்து, ஓயாமரி மேம்பாலம் அருகே ஒரு காரை முந்தி செல்ல முயன்ற போது அதன் மீது மோதி விட்டு நிற்காமல் சென்றதாக கூறப்படுகிறது.
இதனால் ஆத்திரமடைந்த கார் ஓட்டுநர் அந்த பேருந்தை துரத்திச் சென்று ஓடத்துறை ரயில்வே மேம்பாலத்தில் பேருந்துக்கு முன்பு காரை மறித்து நிறுத்த முயற்சித்துள்ளார்.
அப்போது அந்த கார் நிலைதடுமாறி சாலையின் நடுவே உள்ள தடுப்பில் மோதி விபத்துக்குள்ளானது. இதன் காரணமாக அப்பகுதியில் சுமார் ஒரு மணி நேரம் போக்குவரத்து பாதிக்கப்பட்டது.
RELATED POSTS
Comments