போலி டாக்டரை மேடையில் வைத்தே கலாய்த்த கஞ்சா கருப்பு..!ஓ... சோசியல் டாக்டரா..?
சென்னை வடபழனியில் படவிழா ஒன்றின் மேடையில் போகிற போக்கில் போலிடாக்டர் ஒருவரை நடிகர் கஞ்சா கருப்பு அம்பலப்படுத்திய சம்பவம் அரங்கேறி உள்ளது.
ஓங்காரம் படத்தின் ஆடியோ வெளியீட்டு விழாவில் பேசிய கஞ்சா கருப்பு , மேடையில் தனக்கு வலது புறத்தில் நின்றிருந்த பெண் ஒருவரிடம் பெயர் விவரம் விசாரிப்பது போல உங்கள் பெயரென்னம்மா ? என்று கேட்க அந்தப்பெண், டாக்டர் காயத்திரி என்று கூற அடுத்த நொடியே கஞ்சா கருப்பு என்ன டாக்டர் ? என்று திருப்பி கேட்க சுதாரித்துக் கொண்டு சோசியல் சர்வீசுக்காக டாக்டர் பட்டம் பெற்றதாக கூறி அந்தப்பெண் சமாளித்தார். உடனே ஓ அந்த டாக்டரா ? என்று கஞ்சா கருப்பு, தன் பாணியில் கலாய்த்தார்
நான் ஒரு படிக்காத முட்டா பய தாம்மா, டாக்டர் பொன்ன கல்யாணம் பன்னிருக்கேனே எப்படிம்மா என்று கஞ்சா கருப்பு கேட்க, அந்த போலி டாக்டரோ, உங்க ராசி சார் என்று சொன்னார்.
இந்தப் பெண் மட்டுமல்ல தமிழகத்தில் ஏராளமான நபர்களுக்கு 25 ஆயிரம் ரூபாய்க்கு, வெளிநாட்டில் இருக்கிறதா? இல்லையா ? என்றே தெரியாத பல்கலைகழகங்களின் பெயரில் கவுரவ டாக்டர் பட்டங்கள் விற்கப்பட்டு வருவதாக குற்றச்சாட்டுக்கள் எழுந்துள்ளது குறிப்பிடத்தக்கது.
Comments