காதல் திருமணம் செய்த பெண்ணைப் பிரித்த பெற்றோர்..!

Sep 29, 2022 07:03:13 AM 0 3258

வள்ளியூர் அடுத்த கேசவனேரியை சேர்ந்த பிரகாஷ் மற்றும் வள்ளியம்மாள்புரத்தை சேர்ந்த திவ்யா 5 வருடங்களாக காதலித்து வந்துள்ளனர்.

இரண்டு வருடத்திற்கு முன்பு பிரகாஷூ இரு சக்கர வாகனத்தில் ஊருக்கு சென்ற போது விபத்து ஏற்பட்டு முதுகு தண்டுவட பாதிப்பால் அவரது 2 கால்களும் செயல் இழந்து விட்டன.

இதனால் இவர்களின் காதலுக்கு திவ்யாவின் பெற்றோர் கடும் எதிர்ப்பு தெரிவித்ததாக கூறப்படுகிறது.

பெற்றோரின் எதிர்ப்பை மீறி கடந்த 20 ஆம் தேதி வீட்டை விட்டு வெளியேறி இருவரும் பிரகாஷின் வீட்டில் வைத்து அவரது குடும்பத்தினர் முன்னிலையில் திருமணம் செய்து கொண்டனர்.

இதனைக் கேள்விப்பட்ட திவ்யாவின் பெற்றோர் பிரகாஷின் வீட்டிற்கு நேற்று நேரில் சென்று தகராறில் ஈடுபட்டதாக கூறப்படுகிறது.

மேலும் பிரகாசையும் சரமாரியாக தாக்கி வீட்டில் இருந்த பொருட்களை அடித்து நொறுக்கி திவ்யாவையும் தரதரவென இழுத்து சென்றதாக கூறப்படுகிறது.

இதில் காயம் அடைந்த பிரகாசை அக்கம்பக்கத்தினர் மீட்டு வள்ளியூர் அரசு மருத்துவமனையில் சிகிச்சைக்காக சேர்த்தனர்.

திருமணமாகி எட்டு நாளே ஆன நிலையில் தன்னிடம் இருந்து பிரித்து சென்ற மனைவியை குடும்பத்தினரிடம் இருந்து மீட்டு சேர்த்து வைக்குமாறு பிரகாஷ் போலீசில் புகார் அளித்துள்ளார்.