சண்டிகர் சர்வதேச விமான நிலையத்துக்கு பகத் சிங் பெயர் சூட்டப்படும் - பிரதமர் மோடி
சண்டிகர் சர்வதேச விமான நிலையத்துக்கு பகத் சிங் பெயர் சூட்டப்படும் என்று பிரதமர் மோடி தெரிவித்துள்ளார்.
மன் கீ பாத் நிகழ்ச்சி மூலம் நாட்டு மக்களுக்கு இன்று உரை நிகழ்த்திய அவர், பகத் சிங் பெயரை அந்த விமான நிலையத்துக்கு சூட்ட முடிவு செய்யப்பட்டு இருப்பதாக கூறினார்.
மத்திய பிரதேச மாநிலம் குனோ தேசிய உயிரியியல் பூங்காவுக்கு அண்மையில் கொண்டு வரப்பட்ட சிவிங்கி புலிகளை நினைவு கூர்ந்த அவர், அதற்கு பெயர்களை பரிந்துரைக்கும்படி நாட்டு மக்களை கேட்டுக் கொண்டார்.
சிவிங்கி புலிகளுக்கான பெயர் நமது பாரம்பரிய அடிப்படையில் இருந்தால் சிறப்பாக இருக்குமென்று கூறிய பிரதமர், விலங்கினங்களை மனிதர்கள் எவ்வாறு நடத்த வேண்டுமென்ற ஆலோசனைகளையும் அளிக்கும்படி மக்களை கேட்டுக் கொண்டார்.
இதுதொடர்பான போட்டியில் வெற்றி பெறுவோருக்கு, சிவிங்கி புலிகளை முதலில் நேரில் காணும் வாய்ப்பு அளிக்கப்படும் எனவும் பிரதமர் மோடி குறிப்பிட்டார்.
RELATED POSTS
Comments