7 வயதில் கடத்தப்பட்ட சிறுமி.. 9 ஆண்டுகளுக்கு பின் தாயாருடன் சேர்ந்தார்..!மும்பையில் சுவாரஸ்யம்..!
மும்பையில், 9 ஆண்டுகளுக்கு முன் கடத்தப்பட்ட சிறுமி, தான் காணாமல்போனபோது இணையத்தில் பதிவேற்றப்பட்ட புகைப்படத்தை பார்த்து பெற்றோருடன் இணைந்துள்ளார்.
7 வயதில் தனது அண்ணனுடன் பள்ளிக்கு சென்ற பூஜாவை, ஹென்ரி டிசோசா என்பவர் ஐஸ்கிரீம் வாங்கித்தருவதாக ஆசை காட்டி கடத்தியுள்ளார்.
தனக்கு குழந்தை இல்லாததால் பூஜாவை கடத்திய ஹென்ரி டிசோசா, மனைவிக்கு குழந்தை பிறந்ததும் பூஜாவின் படிப்பை நிறுத்தி வீட்டு வேலை செய்யவைத்து கொடுமைபடுத்தியுள்ளார். ஒருநாள் மதுபோதையில் நீ என் குழந்தை இல்லை என அவர் உளறியதை அடுத்து தனது கடந்த காலம் குறித்து பூஜா இணையத்தில் தேடியுள்ளார். 2013 ஆம் ஆண்டு காணாமல் போனதாக தனது புகைப்படம் பதிவேற்றப்பட்டிருப்பதை பார்த்த பூஜா அதில் குறிப்பிடப்பட்டுள்ள செல்போன் எண்ணை தொடர்பு கொண்டு வீடியோ காலில் பேசியபோது அவரது தாயார் ஆனந்த கண்ணீர் வடித்துள்ளார்.
தாயாரின் வீட்டில் இருந்து சுமார் அரை கிலோ மீட்டர் தூரத்தில் வசித்த பூஜாவை மீட்ட போலீசார் ஹென்ரியை கைது செய்தனர்.
RELATED POSTS
Comments