எல்லை தாண்டி மீன் பிடித்ததாக கூறி 5 தமிழக மீனவர்கள் சிறைபிடிப்பு.. எரிபொருளை எடுத்துக் கொண்டு திருப்பி அனுப்பிய இலங்கை கடற்படை!

Jul 05, 2022 08:59:25 AM 0 1482

எல்லை தாண்டி மீன்பிடித்ததாக கூறி கைதான 5 தமிழக மீனவர்களிடம் இருந்து எரிபொருளை எடுத்துக் கொண்டு இலங்கை கடற்படையினர் திருப்பி அனுப்பி விட்டனர்.

புதுக்கோட்டை மாவட்டம் ஜெகதாபட்டினத்தைச் சேர்ந்த மணிகண்டன் என்பவருக்கு சொந்தமான விசைப்படகில் அப்பகுதியைச் சேர்ந்த 5 மீனவர்கள் நேற்று காலை மீன்பிடிக்க கடலுக்குள் சென்றனர். மாலையில் காரைநகர் கடற்பரப்பில் மீன்பிடித்து கொண்டிருந்த இவர்களை அங்கு வந்த இலங்கை கடற்படையினர் எல்லை தாண்டி மீன்பிடித்ததாக கூறி படகுடன் பிடித்து சென்றனர்.

இந்த நிலையில் அவர்கள் வைத்திருந்த டீசல், பெட்ரோலை பெற்று கொண்ட இலங்கை கடற்படையினர் படகையும் மீனவர்களையும் திருப்பி அனுப்பி விட்டனர்.இதனையடுத்து இன்று காலை 5 மீனவர்களும் படகுடன் ஜெகதாபட்டிணம் மீன்பிடி துறைமுகத்திற்கு திரும்பினர்.

இந்நிலையில் நெடுந்தீவு கடற்பகுதியில் இன்று காலையில் மீன்பிடித்து கொண்டிருந்த மயிலாடுதுறையைச் சேர்ந்த 5 மீனவர்களை படகுடன் இலங்கை கடற்படை பிடித்து வைத்துள்ளது.