தரமற்ற பொங்கல் பரிசு.. அமைச்சர்களுக்கு உயர்நீதிமன்றம் நோட்டீஸ்
தரமற்ற பொங்கல் பரிசு.. அமைச்சர்களுக்கு உயர்நீதிமன்றம் நோட்டீஸ்
தரமற்ற பொங்கல் பரிசு தொகுப்பை வழங்கி முறைகேட்டில் ஈடுபட்டதாக நடவடிக்கை எடுக்கக்கோரிய வழக்கில் அமைச்சர்கள் சக்கரபாணி மற்றும் ஐ. பெரியசாமி ஆகியோருக்கு நோட்டீஸ் அனுப்ப சென்னை உயர் நீதிமன்றம் உத்தரவிட்டுள்ளது.
இது தொடர்பாக திருவள்ளூரை சேர்ந்த ஜெயகோபி என்பவர் தாக்கல் செய்த மனுவில், அரசு வழங்கிய பொங்கல் தொகுப்பில் இருந்த வெல்லம், கரும்பு, பருப்பு, புளி உள்ளிட்ட பொருட்கள் தரமற்றவையாகவும், உயிரிழந்த பூச்சிகள் காணப்பட்டதாகவும் குறிப்பிட்டுள்ளார்.
தரமற்ற பொருட்களை வழங்கிய அதிகாரிகள், அவற்றை தடுக்காத உணவுத் துறை அமைச்சர் சக்கரபாணி, கூட்டுறவுத் துறை அமைச்சர் ஐ. பெரியசாமி ஆகியோருக்கு எதிராக லோக் ஆயுக்தா அமைப்பில் புகார் அளித்தும் எந்த நடவடிக்கையும் இல்லை எனவும் மனுதாரர் தெரிவித்திருந்தார்.
மனுவை விசாரித்த நீதிபதி அனிதா சுமந்த் லோக் ஆயுக்தா அமைப்பு, அமைச்சர்கள் சக்கரபாணி, ஐ. பெரியசாமி ஆகியோர் பதிலளிக்க உத்தரவிட்டு விசாரணையை ஜூன் 10 ஆம் தேதிக்கு தள்ளிவைத்தார்.
RELATED POSTS
Comments