செங்கல்பட்டில் விதிமுறைகளை முறையாக பின்பற்றாத பாரத் பெட்ரோல் பங்கிற்கு சீல்.!
செங்கல்பட்டு மாவட்டம் கொளப்பாக்கத்தில் விதிமுறைகளை முறையாக பின்பற்றாத பாரத் பெட்ரோல் பங்க்கிற்கு சீல் வைக்கப்பட்டது.
கடந்த 2020ம் ஆண்டு இந்த பெட்ரோல் பங்க்கில் பெட்ரோல் போடும் போது தீ விபத்து ஏற்பட்டதாக நாக்பூரில் உள்ள வெடிமருந்து தலைமை கட்டுப்பாட்டு அறைக்கு புகார் வந்தது.
அந்த புகாரின் மீதான இறுதிக்கட்ட விசாரணைகள் நிறைவடைந்த நிலையில், மறு உத்தரவு வரும் வரை பெட்ரோல் பங்கிற்கு சீல் வைக்குமாறு நாக்பூரில் உள்ள தலைமை கட்டுப்பாட்டாளர் செங்கல்பட்டு மாவட்ட ஆட்சியருக்கு கடிதம் அனுப்பினார்.
இதனையடுத்து பெட்ரோல் பங்கிற்கு நேரில் சென்று ஆய்வு மேற்கொண்ட செங்கல்பட்டு ஆட்சியர் ஏ.ஆர்.ராகுல்நாத் பங்கிற்கு சீல் வைக்க அதிகாரிகளுக்கு உத்தரவிட்டார். அதன் படி, வண்டலூர் தாசில்தார் பங்கிற்கு சீல் வைத்ததோடு மின் இணைப்பையும் துண்டித்தார்.
RELATED POSTS
Comments