தொடர் ஆடு திருட்டில் ஈடுபட்டு வந்த நபர்.. சிசிடிவி காட்சியை வைத்து சுற்றிவளைத்து பிடித்த மக்கள்..
நாகை மாவட்டம் வேதாரண்யம் அருகே தொடர் ஆடு திருட்டில் ஈடுபட்டு வந்த நபரை, சிசிடிவி காட்சிகளை வைத்து பிடித்த பொதுமக்கள் போலீசில் ஒப்படைத்தனர்.
நாகை மாவட்டம் வேதாரண்யம் அருகே தொடர் ஆடு திருட்டில் ஈடுபட்டு வந்த நபரை, சிசிடிவி காட்சிகளை வைத்து பிடித்த பொதுமக்கள் போலீசில் ஒப்படைத்தனர்.
புஷ்பவனம் கிராமத்தில் ஆடுகள் தொடர்ந்து காணாமல் போயுள்ளன. அந்த வகையில், முத்துகிருஷ்ணன் என்பவரது வீட்டில் வளர்க்கப்பட்டு வந்த ஆடு நேற்று திருட்டு போயுள்ளது.
இதையடுத்து அப்பகுதி மக்கள் தெருவில் இருந்த சிசிடிவி கேமராவை ஆய்வு செய்ததில், ஒரு நபர் டிவிஎஸ் எக்சல் வாகனத்தின் முன்பக்கத்தில் ஆட்டை மறைத்து வைத்து திருடிச் சென்ற காட்சிகள் பதிவாகியிருந்தது.
அந்த நபர் அதே கிராமத்தைச் சேர்ந்த கண்ணன் என்பது தெரியவந்ததை அடுத்து, பொதுமக்கள் ஒன்றுக் கூடி கண்ணனை பிடித்து போலீசில் ஒப்படைத்தனர். அவரிடம் இருந்த ஆட்டை போலீசார் பறிமுதல் செய்தனர்.
RELATED POSTS
Comments