நடிகர் சங்கத் தேர்தல் - விஷால் அணி வெற்றி
தென்னிந்திய நடிகர் சங்கத் தேர்தலில் நாசர், விஷாலின் பாண்டவர் அணி வெற்றி பெற்றது. கடந்த 2019ஆம் ஆண்டில் நடைபெற்ற தேர்தலில் நாசர், விஷால், கார்த்தி உள்ளிட்டோரை கொண்ட பாண்டவர் அணியும், பாக்யராஜின் சங்கர தாஸ் சுவாமிகள் அணியும் போட்டியிட்டனர்.
இத்தேர்தலை எதிர்த்து உயர்நீதிமன்றத்தில் தொடர்ந்த வழக்கால், வாக்கு எண்ணிக்கை தாமதமானது. இதனிடையே, கடந்த மாதம் இந்த தேர்தல் செல்லும் என்றும் வாக்கு எண்ணிக்கை நடத்தலாம் என்றும் உயர் நீதிமன்றம் தீர்ப்பளித்தது.
அதன்படி, இன்று நடைபெற்ற வாக்கு எண்ணிக்கையில், தலைவர் பதவிக்கு போட்டியிட்ட நாசர், பொதுச்செயலாளர் பதவிக்கு போட்டியிட்ட விஷால், பொருளாளர் பதவிக்குப் போட்டியிட்ட கார்த்தி ஆகியோர் மீண்டும் வெற்றி பெற்றுள்ளனர்.
RELATED POSTS
Comments