பாகன் கொம்பால் தாக்கியதால் யானை வெறிச்செயல்.. பாகன்களை சாலையில் வைத்து புரட்டி எடுத்த யானையின் வீடியோ வைரல்

Mar 09, 2022 06:07:14 PM 0 3412

கேரளாவில் தன்னை கொம்பால் அடித்த பாகன்களை யானை ஒன்று புரட்டி எடுத்த வீடியோ இணையத்தில் வைரலாகி வருகிறது. கொல்லம் மாவட்டத்திலுள்ள கேரளபுரம் பகுதியில் கோவில் திருவிழாவுக்காக யானை ஒன்று கொண்டு வரப்பட்டது.

அந்த யானையுடன் 2 பாகன்களும் வந்திருந்த நிலையில், யானை மீது அமர்ந்திருந்த பாகனின் பை கீழே விழுந்துள்ளது. கீழே விழுந்த பையை எடுப்பதற்காக, இருவரும் கீழே இறங்கியுள்ளனர்.

ஒருவர் இறங்கி கீழே நின்று கொண்டிருந்த நிலையில், மற்றொருவர் யானையின் உதவியுடன் கீழே இறங்கினார். அப்போது, கீழே நின்று கொண்டிருந்த நபர் யானையை கொம்பால் தாக்கியதாக கூறப்படுகிறது. இதனால், கோபமுற்ற யானை ஆத்திரத்தில் வலி தாங்காமல் சாலையிலேயே வைத்து இருவரையும் புரட்டி எடுத்தது.

ஒருவரை காலால் எட்டி உதைத்து பந்தாடியதோடு, மற்றொருவரை தும்பிக்கையால் தூக்கி வீசியது. பின்னரும் விடாமல் காலால் மிதித்து தாக்கியது.

சிறிது நேரம் கழித்து தாமாகவே யானை அமைதியாகிவிட்ட நிலையில், படுகாயமடைந்த ஒரு யானை பாகன் சிகிச்சை பெற்று வருகிறார். கொல்லம் போலீசார் இரு பாகன்கள் மீதும் வழக்குபதிவு செய்து விசாரணை நடத்தி வருகின்றனர்.