குடிபோதையில் காவல் உதவி ஆய்வாளரைத் தாக்கிய மற்றொரு காவலர் கைது
சென்னையில் குடிபோதையில் காவல் உதவி ஆய்வாளரை தாக்கிய மற்றொரு காவலர் கைது செய்யப்பட்டுள்ளார்.
சிவராத்திரியை முன்னிட்டு மயிலாப்பூர் கபாலீஸ்வரர் ஆலயத்தில் போலீசார் சிறப்பு பாதுகாப்பு ஏற்பாடுகளை செய்திருந்தனர். கோவிலின் ஒரு வாயிற் பகுதியில் உதவி ஆய்வாளர் இராஜேந்திரன் என்பவர் பக்தர்களை உள்ளே அனுப்பிக்கொண்டிருந்தார். அப்போது அங்கு வந்த பாலாஜி என்பவர் வரிசையில் நிற்காமல் வெளியே செல்லும் வழியில், உள்ளே செல்ல முயற்சித்துள்ளார்.
இதனால் உதவி ஆய்வாளர் இராஜேந்திரனுக்கும், பாலாஜிக்கும் வாக்குவாதம் ஏற்பட்டதில், பாலாஜி உதவி ஆய்வாளரை தாக்கியதாகக் கூறப்படுகிறது. விசாரணையில் பாலாஜி சூளைமேடு பகுதியை சேர்ந்தவர் என்பதும், தமிழ்நாடு சிறப்பு காவல் படையில் பணியாற்றுவதும் தெரிய வந்ததையடுத்து 4 பிரிவுகளின் கீழ் அவரை கைது செய்த போலீசார் விசாரணை மேற்கொண்டு வருகின்றனர்.
RELATED POSTS
Comments