உக்ரைன் - இந்தியா விமானங்கள் கட்டுப்பாடு நீக்கம்
இந்தியா - உக்ரைன் இடையே இயக்கப்படும் விமானங்கள் எண்ணிக்கை, இருக்கைகள் எண்ணிக்கை ஆகியவற்றுக்கு இருந்த கட்டுப்பாடுகளை விமானப் போக்குவரத்து அமைச்சகம் நீக்கியுள்ளது.
கொரோனா சூழலில் நாடுகளிடையே ஒரு நாளில் இயக்கும் விமானங்கள் எண்ணிக்கை, இருக்கைகள் எண்ணிக்கை ஆகியன குறித்துத் தற்காலிக உடன்பாடுகள் செய்துகொள்ளப்பட்டன. உக்ரைன் மீது ரஷ்யா எந்த நேரத்திலும் படையெடுக்கக் கூடும் எனக் கருதப்படுவதால், அங்குள்ள இந்தியர்கள் நாடு திரும்புவதற்காக வெளியுறவு அமைச்சகம் நடவடிக்கை மேற்கொண்டுள்ளது.
அதன் ஒருபகுதியாக உக்ரைன் - இந்தியா இடையே விமானங்கள் இயக்கத்துக்கு இருந்த கட்டுப்பாடுகளை அரசு நீக்கியுள்ளது. இதனால் பயணிகளின் தேவைக்கேற்ப ஒரு நாளில் எத்தனை விமானங்களையும் உக்ரைன் - இந்தியா இடையே இயக்கிக் கொள்ளலாம் என விமான நிறுவனங்களுக்குத் தெரிவிக்கப்பட்டுள்ளது.
RELATED POSTS
Comments