ரஷ்யா - உக்ரைன் இடையே போர் மூளும் சூழல் உருவாகி உள்ளதால், வீரர்களுக்காக பதுங்கு குழிகளை தோண்டும் உக்ரைன் இளைஞர்கள்
ரஷ்யாவுடன் போர் மூளும் சூழல் ஏற்பட்டுள்ள நிலையில், உக்ரைன் இளைஞர்கள் அந்நாட்டு வீரர்களுக்காக பதுங்கு குழிகளை தோண்டி வருகின்றனர்.
அந்நாட்டின் கிழக்குப் பகுதியில் உள்ள மரியுபொல் (Mariupol) பகுதி இளைஞர்கள் மற்றும் சிறுவர்கள் இணைந்து, ரஷ்ய படைகளை தங்கள் நாட்டு வீரர்கள் எதிர்கொள்ள ஏதுவாக பதுங்கு குழிகளை தோண்டும் பணிகளில் ஈடுபடுகின்றனர்.
இது குறித்து தெரிவித்த மைகைலோ என்ற சிறுவன், ரஷ்யா தாக்குதல் நடத்தும் அச்சுறுத்தல் உள்ளதால் இரவில் உறக்கமின்றி தவித்ததாகவும், தங்கள் வீரர்களுக்கு உதவ முடிவு செய்து இந்த பணியில் ஈடுபடுவதாகவும் குறிப்பிட்டார்.
மேலும், ராணுவ வீரர்களுக்கு உதவுவது தங்களது பொறுப்பாகும் என்றும் அச்சிறுவன் கூறினார். பதுங்கு குழிகளை வலுப்படுத்தும் பணியில் 40க்கும் மேற்பட்டோர் தொடர்ந்து ஈடுபட்டு வருகின்றனர்.
RELATED POSTS
Comments