விமானத்தில் பறந்த சுய உதவிக்குழு பெண்கள்.. சேமிப்புப் பணத்தில் மதுரையில் இருந்து சென்னைக்கு பயணம்..!
தமிழகத்தில் முதல்முறையாக மகளிர் சுய உதவி குழுவைச் சேர்ந்த பெண்கள், தாங்கள் சேமித்த பணத்தில் விமானத்தில் பயணித்த சம்பவம் தென்காசியில் நிகழ்ந்துள்ளது.
தென்காசி மாவட்டம் கல்லூத்து கிராமத்தில் இயங்கி வரும் 3 சுய உதவிக் குழுக்களில் 32 பெண்கள் உறுப்பினர்களாக உள்ளனர். குழுவிலுள்ள பெண்களுக்கு, குறைந்த வட்டியில் கடன் வழங்கி, கடனை திருப்பி செலுத்தும் போது கிடைக்கும் லாபத்தில் அவர்களுக்குத் தேவையான பொருட்களை குழு நிர்வாகிகள் வாங்கிக் கொடுத்து ஊக்குவித்து வருகின்றனர்.
அந்த வகையில் இந்த ஆண்டு குழுவைச் சேர்ந்த பெண்களை விமானத்தில் சுற்றுலா அழைத்துச் செல்ல முடிவு செய்த குழு நிர்வாகிகள், 32 பேரையும் மதுரையில் இருந்து சென்னைக்கு விமானத்தில் அழைத்துச் சென்றனர். பீடி சுற்றுதல் உள்ளிட்ட கூலி வேலைக்குச் செல்லும் ஏழ்மையான குடும்பங்களைச் சேர்ந்த அந்தப் பெண்கள், விமானப் பயணம் தங்களுக்கு புதுமையான அனுபவமாக இருந்ததாகத் தெரிவித்தனர்.
RELATED POSTS
Comments